သမိုင်းရေးပါ။

သန်းခြောက်ဆယ်သော လူထုနဲ့ ဖွဲ့စည်းတည်ရှိတဲ့ မြန်မာ့လူ့ဘောင်ဟာအခုအချိန်မှာ 
အရေးကြီးပြီး ထူးခြားလှတဲ့ သမိုင်းဖြစ်စဉ်ကြီးထဲမှာ စီးမျောဖြတ်သန်းနေရတယ်ဆိုတာ 
လူတိုင်းသိပြီးသားဖြစ်မယ်လို့ ယူဆပါတယ်။
 နိုင်ငံတစ်ခုရဲ့ ဂုဏ်သိက္ခာ ၊ ပညာ၊ ဥစ္စဓန နိုင်ငံတကာနှင့် နှိုင်းယှဉ်မှုစတာတွေကို 
တစ်ခေတ်ဆန်းဖို့ တစ်နည်းအားဖြင့် ပြောင်းပြန်လှန်ပစ်ဖို့ဝိုင်းဝန်းကြိုးပမ်း အားထုတ်နေကြတဲ့ ၊အာဏာရှင်ခေတ်များကို ချိုးဖျက်ပြီးဒီမိုကရေစီခေတ်သစ်ဆီ ဦးတည်လျှောက်လှမ်းနေကြတဲ့ 
သမိုင်းဖြစ်စဉ်ကြီးဖြစ်ပါတယ်။

ဒီမိုကရေစီနိုင်ငံ အမှန်ဖြစ်ထွန်းမလား ၊ ဖြစ်ထွန်းလာတဲ့ ဒီမိုကရေစီက ဘယ်လောက်ပီပြင်မလဲ ဘယ်လောက်ခိုင်မာမလဲ ဆိုတဲ့ အချက်များက အခုလက်ရှိ အသက်ရှင်နေထိုင်နေပြီးခေတ်ပြောင်း စနစ်ပြောင်း တော်လှန်ရေးကြီးကို နဖူးတွေ ဒူးတွေ့ ကြုံကြိုက်နေကြရတဲ့ ကျွန်တော်တို့တစ်တွေ ရေးနေတဲ့ သမိုင်းအပေါ်မှာပဲ လုံးလုံးလျားလျား မူတည်နေပါတယ်။
လွတ်လပ်ရေးတိုက်ပွဲကာလတုန်းက တစ်နိုင်ငံလုံး ရရာလက်နက်စွဲကိုင် ကျရာနေရာကနေတာဝန်ထမ်းခဲ့ ကြလို့ စည်းလုံးညီညွတ်တဲ့ တော်လှန်ရေးကြီးဖြစ်ခဲ့လို့ တိုင်းပြည်လွတ်လပ်ရေးရခဲ့ပါတယ်။ ၁၉၈၈ ခုနှစ်မှာ တစ်ပါတီအာဏာရှင်စနစ်ကို လှည်းနေလှေအောင်းမြင်းဇောင်းကျန် တစ်ညီတစ်ညွတ်နဲ့ တွန်းလှန်ခဲ့ကြလို့ မဆလအာဏာရှင်စနစ်ဆိုးပြုတ်ကျခဲ့ရပါတယ်။ဒီမိုကရေစီကို မျိုးစေ့ ချပေးနိုင်ခဲ့ပါတယ်။
အခုကာလဟာလည်း စစ်အာဏာရှင်စနစ်ကို ဖယ်ရှားပြီး ဒီမိုကရေစီစနစ်နဲ့ အစားထိုးဖို့ ကြိုးပမ်းနေကြတဲ့
ကာလဖြစ်ပါတယ်။ တချို့က ဒီမိုကရေစီ ရပြီလို့ ယူဆနေကြပြီး တချို့ကတော့ ဒီမိုကရေစီ လုံးဝမရသေးဘူး လုံးဝလည်းမရနိုင်ဘူးလို့ယူဆနေကြပါတယ်။
ဒီမိုကရေစီအမှန်တစ်ကယ် ဖြစ်ထွန်းဖို့ သန်းခြောက်ဆယ်သော လူထုတစ်ရပ်လုံးက ညီညီညွတ်ညွတ်တက်တက်ကြွကြွကြိုးပမ်းအားထုတ်ကြမယ်ဆိုရင် အချိန်တိုအတွင်းအောင်မြင်ပြီးမြောက်နိုင်တယ်ဆိုတဲ့အသိနဲ့ တတ်စွမ်းသလောက် တစ်တပ်တစ်အားပါဝင်ထမ်းရွက်လိုတဲ့စိတ်တွေ နည်းလွန်းနေသေးပါတယ်။
လူတိုင်းဟာ ကိုယ်နိုင်သလောက် ဝိုင်းဝန်းကြိုးပမ်းလို့ရပါတယ်။လူတိုင်းဟာ ဒီမိုကရေစီတည်ဆောက်ရေးဆိုတဲ့ 
ကြီးကျယ်ခမ်းနားလှတဲ့ သမိုင်းကို ကိုယ်တိုင်ကိုယ်ကျ တစ်တပ်တစ်အားဝင်ရောက်ရေးသားနိုင်ခွင့်နဲ့ ကြုံကြိုက်နေပြီဆိုတာ သိရှိကြဖို့ လိုအပ်ပါတယ်။
ခင်ဗျားဟာ နိုင်ငံရေးသမားတစ်ယောက်ဖြစ်တယ်ဆိုရင် ခင်ဗျားရဲ့စွမ်းဆောင်ရည်တွေ capacity မြင့်မားအောင်
ကြိုးပမ်းပါ။အာဏာရှင်ခေတ်က နိုင်ငံရေးသမားတွေဟာနေရာရတာနဲ့ကိုယ်ကျိုးရှာခဲ့ကြပါတယ်။သူတို့ရဲ့ဆိုးညစ်တဲ့သမိုင်းနဲ့ နိုင်ငံရဲ့ အရုပ်ဆိုးတဲ့သမိုင်းကို ကိုယ်ကျိုးရှာပြီး ရေသာခိုအချောင်လိုက်ပြီး လူထုကို နှိပ်စက်ကလူပြုပြီး ရေးသွားခဲ့ကြပါတယ်။ ခင်ဗျားက သူတို့အမှားတွေကိုသင်ခန်းစာယူလို့ရပါတယ်။လူထုကို အလုပ်အကျွေးပြုပါ။
ဒီမိုကရေစီစနစ် အခိုင်အမာ အမြစ်တွယ်အောင် အထိရောက်ဆုံးလုပ်နိုင်တာ လူထုကို လမ်းပြနိုင်တာခင်ဗျားတို့
 နိုင်ငံရေးသမားများဖြစ်ပါတယ်။ ခင်ဗျားက လွှတ်တော်တစ်ရပ်ရပ်မှာ အမတ်ဖြစ်တယ်ဆိုရင် လူထုအပေါ်မှာ ဖိဆီးနေတဲ့အာဏာရှင်ခေတ်အဆက်ဆက်က ပြဌာန်းထားခဲ့သော ဥပဒေများအမြန်ဆုံးအဆုံးသတ်နိုင်ပြီး လူထုရဲ့လွတ်လပ်ခွင့်တွေ၊တိုးတက်ဖွံ့ဖြိုးခွင့်တွေကိုအာမခံချက်ပေးနိုင်တဲ့ ဥပဒေအသစ်များအမြန်ဆုံးပေါ်ပေါက်ဖို့ အားသွန်ခွန်စိုက်
ကြိုးပမ်းရမယ့်တာဝန်ရှိပါတယ်။ အမတ်တွေအားလုံးဟာ လူထုရဲ့ ကျေးကျွန်များဖြစ်ပါတယ်။ အာဏာရှင်ခေတ်လွှတ်တော်အမတ်များလို လူထုရဲ့အရှင်သခင်ဖြစ်ချင်လို့မရတော့ပါဘူး။ တရားမျှတတဲ့ ဥပဒေများပေါ်ပေါက်လာအောင်ကြိုးပမ်းခြင်းက လူထုကိုအလုပ်အကျွေးပြုခြင်းဖြစ်သလို ခင်ဗျားလို အမတ်များရေးရမယ့် မြင့်မြတ်တဲ့သမိုင်းပဲဖြစ်ပါတယ်။ ခင်ဗျားက တိုင်းရင်းသားလူမျိုးစု လူနည်းစုတစ်ခုခုရဲ့ အခွင့်အရေးများအတွက် တိုက်ပွဲဝင်နေသူဖြစ်ရင် အခုအချိန်လောက် ကောင်းတဲ့ အချိန်မရှိတော့ပါဘူး။ ငြိမ်းချမ်းရေးအတွက်ခင်ဗျား ကြိုးပမ်းလို့ 
အကောင်းဆုံး အချိန်ဖြစ်ပါတယ်။ တိုင်းရင်းသားတို့ တန်းတူညီမျှရေးအတွက်
တစ်နည်းအားဖြင့် ဖက်ဒရယ်စနစ်ထူထောင်နိုင်ဖို့အတွက် လွတ်လပ်ရေးပြီးကတည်းကနေ တွက်ရင် အခုအချိန်ဟာ အားထုတ်သလောက်အရာထင်နိုင်မယ့် အချိန်ပါပဲ။ မျှော်လင့်ချက်လည်း အရှိဆုံးအချိန်ပါ။ ကျွန်တော်တို့အားလုံး ညီညီညွတ်ညွတ်နဲ့ ခိုင်ခိုင်မာမာဆုံးဖြတ်ပြီးအားထုတ်ကြရင် 
ရှိနေတဲ့ အခက်အခဲ အတားအဆီးတွေကို မကြာခင် ကျော်လွှားနိုင်မှာ အသေအချာဖြစ်ပါတယ်။
သေနတ်သံတွေ လုံးဝတိတ်ဆိတ်သွားနိုင်ဖို့ လုပ်နိုင်တဲ့အခွင့်အလမ်းတွေက ခင်ဗျားရှေ့မှောက်မှာ အရင်ကထက် ပိုများနေပါပြီ။ ငြိမ်းချမ်းရေးကို အလွယ်တကူရမယ်လို့ ကျွန်တော်လုံးဝမမျှော်လင့်ပါဘူး။ ဒါပေမယ့် အားလုံးရဲ့တူညီတဲ့ဆန္ဒ၊ တစ်ဦးအပေါ်တစ်ဦး စစ်မှန်တဲ့ လေးစားချစ်ခင်မှုတို့ ထားနိုင်ရင် ငြိမ်းချမ်းရေးဟာ သေချာပေါက် ရမယ်လို့ ခင်ဗျားလည်း ယုံကြည်မှာပါ။ ငြိမ်းချမ်းရေးဟာ ဒီမိုကရေစီရေးအတွက် မရှိမဖြစ်လိုအပ်ချက်ဖြစ်လေတော့ခင်ဗျားကိုယ်စားပြုတဲ့ 
တိုင်းရင်းသားတွေအတွက်ရော၊ ဗမာအပါအဝင် သန်းခြောက်ဆယ်သောတိုင်းရင်းသားလူထုကြီးတစ်ရပ်လုံးရဲ့
ကောင်းကျိုးအတွက် ခင်ဗျားရေးမယ့်သမိုင်းဟာတိုင်းတာပြလို့ မရနိုင်လောက်အောင် အရေးပါလှပါတယ်။ ခင်ဗျားဟာ တပ်မတော်သားဆိုရင် ခင်ဗျားလက်ထဲမှာ အခုရှိနေတဲ့ အခွင့်အလမ်းက အံ့မခန်းပဲဆိုတာ ပြောပါရစေ။ ရှေ့က အာဏာရှင်ကြီးများ ရဲ့ အသုံးချမှုကိုခံရလို့ စွန်းပေခဲ့ရသမျှ ခင်ဗျားရေးမယ့်
သမိုင်းနဲ့ သန့်ရှင်းစင်ကြယ်သွားနိုင်တာ အသေအချာပါပဲ။လူထုနဲ့ တပ်မတော်ကြားတိုးတက်ကောင်းမွန်စပြုလာတဲ့ လက်ရှိအခြေအနေဟာ အခု ခင်ဗျားတို့ တပ်မတော်သားတွေရေးနေတဲ့ သမိုင်းပါ။

အခုအတိုင်းတည်တည်ငြိမ်ငြိမ်လေးနဲ့ ခရီးဆက်နိုင်မယ်ဆိုရင် တစ်နည်းအားဖြင့် တပ်မတောက ရည်မှန်းသလို စစ်မှန်တဲ့ဒီမိုကရေစီစနစ်ဟာ တပ်မတော်ရဲ့အကူအညီနဲ့ အခိုင်အမာပေါ်ထွန်းလာပြီးတပ်မတော်ရဲ့ 
ကူညီကာကွယ်စောင့်ရှောက်မှုနဲ့ ရေရှည်တည်တံ့ခိုင်မာလို့ လူထုတစ်ရပ်လုံးလည်း လွတ်လပ်ရုံမျှမက ကမ္ဘာနဲ့အမီ ကြွယ်ဝချမ်းသာလာကြမယ်ဆိုရင် တပ်မတော်ဟာ နိုင်ငံတော်ရဲ့ ဂုဏ်ကျက်သရေဆောင် 
အဖွဲ့အစည်းကြီးအဖြစ် အစဉ်အဖြင့် ရပ်တည်နိုင်တော့မှာဖြစ်လို့ ခင်ဗျားရေးမယ့်သမိုင်းအတွက် ခင်ဗျားအခု
ကတည်းက ဂုဏ်ယူလို့ ရနေပါပြီ။
ခင်ဗျားဟာ ကျောင်းဆရာတစ်ယောက်ဖြစ်တယ်ဆိုရင် ခင်ဗျားရဲ့ သမိုင်းရေးခွင့်ဟာလည်း ပေါ့သေးသေးမဟုတ်လှပါဘူး။အခုကျွန်တော်တို့တစ်တွေ ဘယ်လောက်ပဲ ကြိုးစားပြီး ဒီမိုကရေစီ နိုင်ငံတော်ကြီး တည်ဆောက်ခဲ့ 
တည်ဆောက်ခဲ့ နောင်တစ်ချိန်လူလုပ်မယ့် အခု ခင်ဗျားသင်ကြားပို့ချပေးနေတဲ့လူငယ်တွေကသူတို့ သမိုင်းရေးရမယ့်အလှည့်ရောက်ရင်သူတို့သမိုင်းကို သူတို့ ကောင်းအောင်ဆက်ရေးမှသာ အဓိပ္ပါယ်ရှိမှာဖြစ်ပါတယ်။
သူတို့ရဲ့လက်ထဲကို ကျွန်တော်တို့က အနာဂါတ်ကိုထည့်ပေးခဲ့ရမှာပါဖြစ်လို့ သူတို့ရဲ့ကိုယ်ရည်ကိုယ်သွေးတွေ အဆမတန်နိမ့်ကျခဲ့အောင်ရှေ့ကရေးခဲ့တဲ့ သမိုင်းဆိုးကို သင်ခန်းစာယူပြီးခင်ဗျားတို့ ဆရာတွေက လူငယ်တွေကို အကောင်းဆုံးရေလောင်းပေါင်းသင်ပေးဖို့ သမိုင်းပေးတာဝန်ရှိပါတယ်။ ကိုယ်ကျိုးရှာတဲ့ ကျောင်းဆရာဆရာမတွေဆိုတဲ့ သမိုင်းဟာ အရုပ်ဆိုးအကျည့်တန်လွန်းပါတယ်။နိုင်ငံရေးလုပ်နေတဲ့သူတွေနဲ့ တန်းတူပဲ ပညာရေးသမားတွေရေးရမယ့် သမိုင်းဟာ တာဝန်ကြီးတယ်ဆိုတာ သတိပေးချင်ပါတယ်။ခင်ဗျားဟာ သာမန်ဈေးသည်တစ်ယောက်ဆိုရင်လည်း ဝိသမလောဘကိုလျှော့ပြီး စေတနာကောင်းလေးထားဖို့ကခင်ဗျားရေးရမယ့်သမိုင်းပါ။ ခင်ဗျားက ဘတ်စ်ကားမောင်းတဲ့ ဒရိုင်ဘာဆိုရင်လည်း လမ်းအန္တရယ်၊ယာဉ်အန္တရယ်ကင်းရှင်းအောင်ခရီးသည်တွေ အန္တရာယ်ကင်းအောင် စည်းနဲ့ ကမ်းနဲ့ မောင်းနှင်ပြီး ခင်ဗျားသမိုင်းကိုရေးပါ။ ခင်ဗျားဟာ ပြည်သူ့ဝန်ထမ်းဆိုရင်လည်း အခု သမ္မတက လုပ်နေတဲ့ သန့်ရှင်းသောအစိုးရ
 ကောင်းမွန်သောအုပ်ချုပ်ရေးဆိုတဲ့ ရည်မှန်းချက်ကိုပြည့်စုံအောင်ပေါက်မြောက်အောင် အကောင်အထည်ဖေါ်တဲ့နေရာမှာ ကျရာနေရာမှာပါဝင်ခြင်းအားဖြင့်ခင်ဗျားသမိုင်းကို ကောင်းအောင်ရေးသင့်
ပါတယ်ခင်ဗျားဟာ ရာထူးဘယ်လောက်ငယ်ငယ် တာဝန်ဘယ်လောက် နည်းနည်း ခင်ဗျားသမိုင်းကို ခင်ဗျားက
ကောင်းအောင်ရေးချင်စိတ်မရှိရင်အစိုးရယန္တရားတစ်ခုလုံးကိုရော တိုင်းပြည်နဲ့ လူထုရဲ့ အကျိုးစီးပွားနဲ့
ဂုဏ်သိက္ခာကိုပါထိခိုက်စေနိုင်ပါတယ်။

ခင်ဗျားတို့ ဝန်ထမ်းတွေ ပြုပြင်ပြောင်းလဲနိုင်တာနဲ့ တိုင်းပြည်ကောင်းဖို့ကတော်တော်နီးစပ်သေချာပြီလို့
တောင်မှ ပြောလို့ရပါတယ်။ ခင်ဗျားက လယ်ယာမြေက ဦးကြီးဆိုရင်လည်း
ခင်ဗျားရေးမယ့်သမိုင်းက ကျွန်တော်တို့ရဲ့ အသက်သွေးကြောပါ။ ကျွန်တော်တို့ရဲ့ ထမင်းရှင်ဟာခင်ဗျားပါ။ ဆန်စပါးကို နိုင်ငံတကာအဆင့်မီစိုက်ပျိုးထုတ်လုပ်နိုင်တာတစ်ခုတည်းနဲ့တောင် ကျွန်တော်တို့တိုင်းပြည်
ချမ်းသာနိုင်ပါတယ်။ ကျွန်တော်တို့က တစ်ချိန်တစ်ခါက စပါးနဲ့ချမ်းသာခဲ့တဲ့တိုင်းပြည်ပါ။အာဏာရှင်ခေတ်အဆက်ဆက်က တခြားကိစ္စတွေမှာအောက်တန်းနောက်တန်းကျခဲ့ရသလို လူဦးရေအများစု
ဖြစ်တဲ့လယ်သမားတွေလည်းဆင်းရဲ ဆန်စပါးထွက်နှုန်းလည်းသူများနောက်ကျခဲ့ရပါတယ်။ 
အစိုးရအဆက်ဆက်မကောင်းခဲ့လို့ပါ။ အခုလည်းလုံးဝကောင်းပြီလို့မပြောနိုင်သေးပေမယ့်ကောင်းစပြုလာပါပြီ။လယ်သမားတွေအတွက် အခွင့်အလမ်းတွေလည်း တဖြည်းဖြည်းတိုးတက်လာအောင် ကျွန်တော်တို့အားလုံး
ဝိုင်းလုပ်ဖို့တာဝန်ရှိပါတယ်။လယ်သမားချမ်းသာရင်တိုင်းပြည်ချမ်းသာပါတယ်။
ဦးကြီးတို့ကလည်းအရင်က ကျနေခဲ့တဲ့စိတ်ဓါတ်တွေပြန်မြှင့်တင်ပြီးကြိုးစားကြဖို့ တောင်းပန်ချင်ပါတယ်။
တစ်ခွန်းထဲနဲ့ ခြုံငုံမိအောင်ပြောရရင် လူထုတစ်ရပ်လုံးက အမျိုးသားရေးစိတ်ဓါတ်ကို မွေးမြူလိုက်ကြဖို့ပါပဲ။ ငါလည်းနိုင်ငံတည်ဆောက်ရေးမှာ အုပ်တစ်ချပ်သည်းတစ်ပွင့် ပါဝင်လို့ရတယ်။ တတ်စွမ်းသလောက် လုပ်မယ်ဆိုတဲ့စိတ်လေးမွေးလိုက်တာနဲ့ ဘာလုပ်ရမယ်ဆိုတာ သိလာမြင်လာပါလိမ့်မယ်။ ကျွန်တော်တို့ရှေ့ကမျိုးဆက်တွေရေးခဲ့တဲ့သမိုင်းဆိုးကြောင့် ကျွန်တော်တို့ အခုခံနေကြရတာပါ။ ကျွန်တော်တို့က တတ်စွမ်းသလောက် ကောင်းမွန်တဲ့သမိုင်းကို တစ်ယောက်တစ်လက် ဝိုင်းရေးခဲ့ဖို့လိုပါတယ်။ သူမလုပ်လို့ ငါလည်းလုပ်စရာမလိုဘူးဆိုရင် ကျွန်တော်တို့ ဘာကို မျှော်လင့်လို့ရမှာလဲ။ ကောက်ကျစ်တဲ့အကြံအစည်နဲ့ ရာဇဝင်သမိုင်းသစ်ကို ညစ်ထေးအောင်ဖန်တီးချင်သူတချို့လည်း ရှိကောင်းရှိနိုင်ပါတယ်။ 

သူညစ်လို့ ငါညစ်မယ်ဆိုရင် ကျွန်တော်တို့သမိုင်းကြောင်းဘယ်တော့ ကောင်းလာနိုင်ပါ့မလဲ။ ယုတ်မာတဲ့သူရှိရင် ဒါသူရေးတဲ့သမိုင်းပါ။ သူ့ကြမ္မာ သူဖန်တီးပါလိမ့်မယ်။ အခုဆိုရင် ပြုပြင်ပြောင်းလဲရေးက အရှိန်လည်းတော်တော်ရလာပါပြီ။ ခေတ်နောက်ပြန်ဆွဲချင်လို့ မလွယ်တော့ပါဘူး။
အပြောင်းအလဲရဲ့ အရှိန်အဟုန်ကို မြှင့်နိုင်လေ နောက်ကြောင်းမပြန်ဖို့ စိတ်ချရလေဖြစ်ပါတယ်။ အပြောင်းအလဲကို အခုထက်အရှိန်မြှင့်နိုင်ဖို့ သန်းခြောက်ဆယ်လုံးရဲ့ အားတွေလိုပါတယ်။ လူတိုင်းရေးတဲ့ သမိုင်းနဲ့ သာ ဒီမိုကရေစီက တိုးတက်ခိုင်မာလာနိုင်မယ်ဖြစ်ပါတယ်။ မဆိုင်သလိုနေတဲ့သူများလေ ဒီမိုကရေစီခရီးက ရှည်လေ စစ်မှန်တဲ့ ဒီမိုကရေစီရရှိဖို့ အာမခံချက်
ကင်းမဲ့လေဖြစ်ပါတယ်။ကျွန်တော်တို့နောက်မှာ လူလုပ်ကြမယ့် မျိုးဆက်များက ကျွန်တော်တို့သမိုင်းကို ဖတ်ရှုလေ့လာကြပါလိမ့်မယ်။
သူတို့အတွက် လုပ်ပေးခဲ့သမျှကို သူတို့ ကျေနပ်ကြတယ်ဆိုရင် တစ်နည်းအားဖြင့် သူတို့ခေတ်ဟာ လွတ်လပ်ခွင့်၊ တန်းတူညီမျှခွင့်၊ တိုးတက်ချမ်းသာခြင်း ငြိမ်းချမ်းခြင်းတို့အတွက် အာမခံချက်အပြည့်
အဝရှိမယ်ဆိုရင်ကျွန်တော်တို့ရေးတဲ့သမိုင်းကို သူတို့ ဂုဏ်ယူဝမ်းမြောက်စွာနဲ့ ဦးညွတ်ကြပါလိမ့်မယ်။ သူတို့သမိုင်းကိုလည်း သူတို့အကောင်းဆုံး ဆက်ရေးကြပါလိမ့်မယ်။ကျွန်တော်တို့ ရေးတဲ့သမိုင်းကောင်းရင် နောက်မျိုးဆက်တွေလည်း ကောင်းမွန်တဲ့ ခမ်းနားတဲ့ သမိုင်းကို စိတ်အေးချမ်းသာ ဆက်လက်ရေးသားခွင့် ရကြပါလိမ့်မယ်။
ဒီတော့သမိုင်းရေးကြပါ။ အခါအခွင့်ကောင်းနဲ့ကြုံနေတဲ့အခိုက် ငိုက်မြည်းမနေကြပါနဲ့။လူတိုင်းမှာတာဝန်ရှိပါတယ်။စိတ်အမူအကျင့်တွေ ပြင်ပါ။နိုင်ငံသားတစ်ယောက်ရဲ့ အခွင့်အရေးတွေနဲ့ 
တွဲလျက်ရှိနေတဲ့နိုင်ငံသားတာဝန်ကို တတ်နိုင်သလောက်ထမ်းရွက်ခြင်းဖြင့် ဆိုးရွားညစ်ထေးခဲ့တဲ့သမိုင်းတွေကို ပြုပြင်ပြောင်းလဲဖို့ နောက်လူတွေလည်းပိုကောင်းတဲ့သမိုင်းတွေ ဆက်ရေးနိုင်ကြဖို့ ခင်ဗျားတို့ ကျွန်တော်တို့ရဲ့သမိုင်း ဒီမိုကရေစီတည်ဆောက်နေသောနိုင်ငံတော်သစ်ရဲ့ခမ်းနားကြီးကျယ်တဲ့ သမိုင်းကို စည်းလုံးညီညွတ်စွာ အတူတကွမော်ကွန်းရေးထိုးကြပါစို့လို့ တိုက်တွန်းပါရစေ။ ။
ပိုက်တင်
www.newmoekaungkin.blogspot.com