ဒဂုန်တာရာ(သို့မဟုတ်)ရန်သူကိုမိတ်ဆွေလုပ်ခဲ့သူ

ဖန်စ စိန်စ ကြယ်စတွေအောက်မှာ
ဝစ်လစ်စလစ်အပြာကမ္ဘာကြီးကိုတွေ့ခဲ့သူ။
စိမ်းစိုလတ်ဆတ်သော ထင်းရူးပင်တွေကြားမှာ
တရွေ့ရွေ့လန်လာသော လအစိမ်းကြီးကို မျိုချခဲ့(သို့မဟုတ်)အန်ထုတ်ခဲ့သူ။
၃၃လမ်းက လေထန်ကုန်းကို
ပျားအုံခံစားမှုဆိုကာ စကားလက်ဆုံနဲ့စကားလက်ကုန်နှိုက်ခဲ့သူ။
မေ ရေ
ဒို့ခေတ်ကို ရောက်ရမည်မလွဲပါတဲ့ကွယ်။

မေ ရေ
တွန့်လိမ်တွေးတောနေသော သူ့ဆံပင်လှိုင်းများပေါ်မင်းရှန်ပိန်မူးရင်းမြူးခဲ့။
မေ ရေ
အနက်ရောင်မျက်မှန်ကိုင်းကြီးကြီးအောက်မှာ နားနေသောသူ့မျက်လုံးတွေကို
မင်းဘယ်လိုမှ စာအုပ်တစ်အုပ်လို ပိတ်မသိမ်းနိုင်ခဲ့ဘူးမဟုတ်လား။
မေ ရေ
နောက်ဆုံးတော့ အကောင်းဆုံးက
ပါတိတ်အဆင် ဟာဝေယံအင်္ကျီကလေးကိုဆင်တူဝတ်
တဟီဟီကျွန်းကလေးဆီ လိုက်သွားခဲ့ရတော့တာပဲမဟုတ်လား။
သုံးကြောင်းကဗျာလို
လိုင်း သုံးကြောင်းလောက်နဲ့သူ့ပုံကိုရမယ်
တဂိုးကြီးလို တော်စတွိုင်းကြီးလို မေတ္တာရှင်မကြီးမာသာထရီဇာကြီးလို။
မိတ်ဆွေကို ရန်သူဖြစ်အောင်လုပ်နေကြတဲ့ခေတ်ကြီးထဲမှာ
ရန်သူကို မိတ်ဆွေဖြစ်အောင်လုပ်နေသူကြီး။
မိမိကိုယ်မိမိမဲဇာပို့ပြီး ချိုးကူသံလေးတွေထုတ်လုပ်
မြိုကြီးပြကြီးတွေဆီလှမ်းပို့နေသူကြီး။
ကျွန်တော့်ကိုတစ်ခုခုပြောပါတဲ့
ဘာပြောရမှာလည်း ကျွန်တော့်အဖေ ဆုံးသွားခဲ့တယ်ပေါ့။
ကျွန်တော့်ကိုတစ်ခုခုပြောပါတဲ့
ဘာပြောရမှာလည်း ခံတပ်ကြီးတစ်ခုပြိုကျသွားတယ်ပေါ့။
ဘာပြောရမှာလည်း
မြေပြင်ပေါ်ထိမှန်ပြီးပြန်ခုန်တက်လာတဲ့သွေးစက်တွေပေါ်
လွတ်အောင်ပျံသန်းနေခဲ့ပေမယ့် ဘယ်တော့မှမလွတ်မြောက်ခဲ့တဲ့ လေနုအေးလေးပေါ့။
ဘာပြောရမှာလည်း ပြောရမှာကတော့

အရှင်သြဂုတ်လကြီးခင်ဗျား။ ။
ခင်ဗျားမှားယွင်းမှုတွေက ရန်သူ့အားပေး လူတွေကိုရူးမတတ် ထူးခတ်နေခဲ့သလိုပါပဲလား။ ။

ခရမ်းပြာထက်လူ
(၂၀၊၈၊၂၀၁၃)
-------------------
ပထမတော့ ကြွေလွင့်သွားတဲ့(သို့မဟုတ်)သူ့နေရာသူပြန်သွားတဲ့ကြယ်တွေအတွက်
တိတ်တဆိတ်ထိုင်ပြီး လွမ်းနေဆွေးနေကြေကွဲနေလိုက်ဖို့ပဲ။ ကျွန်တော်ကျောင်းသားဘ၀တုန်းက
ပန်းချီဆရာမြိတ်ဝင်းထိန်ရဲ့ဇာတ်ကောင်နဲ့ဇာတ်လမ်း ရေးချက်တွေကြားမှာရင်တွေခုန်လို့
ဒီဘက်ပိုင်းတွေရောက်တော့ဆရာမောင်ဝံသဆီကသင်ယူနေရတဲ့နိုင်ငံရေးအဘိဓါန်နဲ့နိုင်ငံရေးဗဟု
သုတတွေကလည်းဟိုတစ်ပိုင်းဒီတစ်ပိုင်း ဟိုစားရွက်ညှပ်ဒီစာရွက်ညှပ်ကာမဆုံးတော့။အပေါ့အပျက်တွေကိုလျော့လျော့လာပေမယ့်မောင်ကောင်းထိုက်(နှီးပဒေါ)နဲ့ဆရာမင်းလူကိုလျှော့လို့မရခဲ့ဘူး။ဆရာဒဂုန်တာရာဆိုတာကကျွန်တော်တို့ရဲ့အမျိုးသားခေါင်းဆောင်းကြီးဗိုလ်ချုပ်ဦးအောင်ဆန်းရဲ့သူငယ်ချင်းအစစ်ကြီး။
စာပေသစ်ရဲ့ဖခင်ကြီး ငြိမ်းချမ်းရေးလိုလားခဲ့သူကြီး။ အဲ့ဒီလိုတန်ဘိုးကြီးတွေဖျပ်ကနဲဖျပ်ကနဲသစ်ရွက်ကလေးတစ်ရွက်ကြွေသလိုလွယ်လွယ်လေးကြွေကြွေကျကျသွားတာကိုဘာမှမတတ်နိုင်လက်ပိုက်ကြည့်နေရင်းက။

ဒီနေ့ကျွန်တော်ရန်ကုန်ကနေကားစီးပြီးပဲခူးကိုပြန်အလာမှာ ပဲခူးက စာပေမိတ်ဆွေတစ်ယောက်က ဆရာမောင်စိမ်းနီဖုန်းခေါ်တယ် ပြန်ခေါ်လိုက်ပါဆိုတာနဲ့ ၀ုန်ဒိုင်းကြဲနေတဲ့ခရီးသည်တင်ကားကြီးပေါ်ကနေ ဖုန်းပြန်ခေါ်လိုက်တော့ ဆရာက ဆရာဒဂုန်တာရာ
အတွက် မင်းရင်ထဲကတစ်ခုခုလောက်ပြောပေးပါတဲ့ ဒါနဲ့ကျွန်တော်လည်း စာပေနဲ့ပတ်သက်လို့
ကျွန်တော်တို့ရဲ့ဖခင် အဖေတစ်ယောက်ဆုံးရှုံးသွားသလို။ ပြီးတော့ ခံတပ်ကြီးတစ်ခုပြိုဆင်းသွားသလိုပါပဲဗျာလို့ပြောလိုက်တယ်။ ပြီးတော့ ဟိုတစ်နေ့က လိုင်းပေါ်မှာကိုမိုးဝေးရေးထားသလိုမသေခင်တိုင်းပြည်ငြိမ်းချမ်းသွားတာကိုမြင်ချင်သွားပါတယ်ဆိုတဲ့ ဆရာကြီးသခင်ကိုယ်တော်မှိုင်းငြိမ်းချမ်းရေးကို မမြင်သွားလိုက်ရသလို ငြိမ်းချမ်းရေးအတွက် အမြဲတမ်းတဖွဖွရေဆာသလိုတောင်းတခဲ့တဲ့ဆရာကြီးဒဂုန်တာရာလည်း သူ့ရဲ့နောက်ဆုံးအချိန်ထိ
မြင်မသွားမကြားသွားရတာလည်းကြေကွဲစရာကောင်းလှပါတယ်လို့ထည့်ပြောလိုက်ပါသေးတယ်။

အဲ့ဒီလိုပြောအပြီးမှာပဲ ကျွန်တော်လည်းကားပေါ်မှာတောင်တွေးမြောက်တွေးငေးချိန်မရှိတော့ပဲ ဆရာဒဂုန်တာရာအကြောင်းလျှောက်တွေးရင် ကဗျာစာသားတစ်ချို့ထွက်ကျလာတာနဲ့ တွေးလိုက်ပြန်ကျက်မှတ်လိုက်လုပ်ရင် ဆရာ့အတွက်ကဗျာကို ဆိုင်ပြန်ရောက်တော့ဆိုင်မှာရှိတဲ့
စာရွက်တစ်ရွက်ပေါ်မှာပြန်ချရေး၊ ပြီးမှ အိမ်ပြန် ကျွန်တော့်လက်တော့လေးဖွင့်ရိုက်ရင်း ခုတော့ ဆရာဒဂုန်တာရာအတွက် ကဗျာလေးတစ်ပုဒ်ဖြစ်လာခဲ့ရပြီ။ ဆရာ့အတွက်ပါ။

ခရမ်းပြာထက်လူ
၂၀ ၊ ၈ ၊၂၀၁၃


Credit to: ခရမ်းပြာထက်လူ
www.newmoekaungkin.blogspot.com