ဒီဆောင်းပါးအရှေ့က ကျနော့်ဆောင်းပါးကိုကျနော့်မိတ်ဆွေများက
“ခရိုနီရွှေစင်ဆု”ဆောင်းပါးဆိုပြီးသြဘာပေးကြပါတယ်။
သူတို့သဘောထားနဲ့ထင်မြင်ချက်၊ဝေဖန်ချက်တွေလည်းပေးကြပါတယ်။အဲဒီလိုပေးကြတဲ့ထင်မြင်ချက်တွေထဲမှာ ယခုလို ဘာသာရေးမုန်းတီးမှုတွေ
(အကြမ်းဖက်လူသတ်မီးရှို့မှုတွေ) ဖန်တီးဖြစ်ပေါ်နေချိန်မှာ ဆရာတော် ၂ ပါးကို
“ နိုင်ငံတော်သမ္မတ၏ဂုဏ်ထူးဆောင်လက်မှတ်” ခါတော်မီပေးအပ်ဆက်ကပ်တာနဲ့
ပတ်သက်ပြီး ကျနော့်ရဲ့သဘောထားအမြင် ထုတ်ဖေါ်ရေးပါဦးဆိုတဲ့
တိုက်တွန်းချက်တစ်ခုလည်းပါဝင်ပါတယ်။
ဘာသာရေး၊ လူမျိုးရေးဆိုတာဟာ အင်မတန်အကဲဆတ်လှတဲ့ကိစ္စဖြစ်ပါတယ်။သို့သော်လည်း ကျနော့်မိတ်ဆွေများ တိုက်တွန်းချက်ကိုအလေးမူပြီး ရေးသင့်ရေးထိုက်တယ်လို့လည်း
ယုံကြည်ယူဆတဲ့အတွက် ကျနော့်သဘောထားအမြင်ကို ရေးသားတင်ပြလိုက်ပါတယ်။
ပထမအချက်က ပေးတဲ့အချိန်ကာလကိုကြည့်တာပါ။
ယခုလို ဘာသာရေးမုန်းတီးမှုတွေ(အကြမ်းဖက်လူသတ်မီးရှို့မှုတွေ) ဖန်တီးဖြစ်ပေါ်နေချိန်မျိုးမှာ (တကယ်ပဲပေးသင့်တယ် ထားဦး)ခေတ္တခဏဆိုင်းထားသင့်ပါတယ်။အခုဟာက တမင်ရည်ရွယ်ပြီးပေးတာမှန်း သိသာပါတယ်။ မိထ္ထီလာ၊ ကြို့ပင်ကောက်၊ဇီးကုန်း၊ဥက္ကံ စတဲ့နေရာဒေသတွေမှာ အကြမ်းဖက်မှုတွေကြောင့် အသက်အိုးအိမ်ထိခိုက်ဆုံးရှုံးရတဲ့နိုင်ငံသားပြည်သူများအပေါ် စော်ကားတဲ့သဘော၊ မစာနာ မညှာတာတဲ့သဘောသက်ရောက်ပါတယ်။ရိုင်းစိုင်းတဲ့အပြုအမူဖြစ်ပါတယ်။
ကျနော်တို့မြန်မာနိုင်ငံသားများဟာ အိမ်နီးချင်းအိမ်မှာနေမကောင်းသူရှိနေရင် ကိုယ့်အိမ်မှာ ရေဒီယို/ကက်ဆက် ကျယ်ကျယ် ဖွင့်ဖို့ဝေးစွ အသံကျယ်ကျယ်ပြောဆိုရယ်မောတာကိုပင်
လူကြီးမိဘများက ဆုံးမတားမြစ်ပါတယ်။
တစ်ဖက်အိမ်မှာပူဆွေးသောကရောက်နေချိန်မှာ အခြားတစ်အိမ်က သီချင်းဖွင့်ပြီး
ကခုန်ရယ်မောနေတဲ့လုပ်ရပ်ဟာယဉ်ကျေးသောသူများရဲ့ အပြုအမူမဟုတ်ပါဘူး။အခုလည်းဒီသဘောပါပဲ။အသက်အိုးအိမ်ထိခိုက်ဆုံးရှုံးရတဲ့မိထ္ထီလာ၊ ကြို့ပင်ကောက်၊ ဇီးကုန်း၊ဥက္ကံ စတဲ့ဒေသတွေက ဘာသာကိုးကွယ်မှုမတူတဲ့ နိုင်ငံသားပြည်သူများအပေါ် ညှာတာ စာနာထောက်ထားရမယ် မဟုတ်ပါလား။
ဤမျှလွယ်ကူရိုးစင်းသောလူမှုအသိစိတ်ကိုပင် မထားရှိနိုင်တော့ဘဲ (ဗိုလ်) ဦးသိန်းစိန်ကြံ့ဖွံ့အစိုးရဟာ မျက်နှာပြောင်တိုက်ပြီး ဆရာတော် ၂ ပါးကို“ဂုဏ်ထူးဆောင်လက်မှတ်” ပေးအပ်ခဲ့ပါတယ်။
ဆရာတော်တွေပညာရေး၊ ကျန်းမာရေး၊ လူမှုရေးကူညီကယ်ဆယ်ရေးလုပ်နေခဲ့တာကြာလှပြီပဲ။ဟိုတုန်းကဆုမပေးခဲ့ဘဲ။အခုမှ ဘာကြောင့်ပေးရတာလဲ။
ဒုတိယတစ်ချက်က “ဂုဏ်ထူးဆောင်လက်မှတ်”ဆက်ကပ်တဲ့ဒေါက်တာဆရာတော် ၂ ပါးအနက် ဆရာတော် ဒေါက်တာ ဘဒ္ဒန္တဉာဏိဿရ က မိတ္ထီလာပဋိပက္ခမီးတောက်လောင်လို့မရှေးမနှောင်းမှာ “ ဗုဒ္ဓဘာသာဟာ အိမ်ရှင်ဘာသာဖြစ်တယ်၊ဧည့်သည်ဘာသာတွေက မစော်ကားသင့်ဘူး”ဆိုတဲ့သဘောပါတဲ့ စကားကိုမိန့်ကြားခဲ့သူဖြစ်ပါတယ်။
ဗုဒ္ဓဘာသာ သာသနာဟာအခိုင်အမာသမိုင်းကြောင်း အချက်အလက်တွေအရပြောရရင်
မြန်မာတိုင်းရင်းဖြစ်ဘာသာသာသနာ မဟုတ်ဘူး။ခရစ်နှစ် ၄ ရာစုပတ်ဝန်းကျင်မှာ မြန်မာနိုင်ငံကို စတင်ဝင်ရောက်လာတယ် ဆိုတဲ့ သမိုင်းအချက်အလက်တွေကို ဒေါက်တာ ဆရာတော်အသေအချာသိရှိ
နားလည်တာပေါ့။ဘိုလိုဟောပြောနေတဲ့ အဓိပတိဆရာတော်ပဲ။ကျနော်လို ငပမွှားက စာချလို့ မဖြစ်ရေးချ မဖြစ်ပါဘူး။
ကျနော်တို့နိုင်ငံဟာလူမျိုးပေါင်းစုံနေထိုင်ပြီး ခရစ်ယာန်ဘာသာ သာသနာ၊ဗုဒ္ဓဘာသာ သာသနာ၊အစ္စလာမ်ဘာသာ သာသနာဟိန္ဒူဘာသာ သာသနာတို့သည် လူမျိုးပေါင်းစုံ ပြည်သူများ ကိုးကွယ်ယုံကြည်
နေကြသော ဘာသာ သာသနာများဖြစ်ပါတယ်။
မည်သည့်ဘာသာသနာကိုမျှရည်ရွယ်ချက်တစ်ခုခုအတွက် ခုတုံးလုပ်အသုံးမချသင့်ပါဘူး။
ပုံစံမျိုးစုံဖြင့် ခွဲခြားချိုးနှိမ်မှုလည်း မပြုသင့်ပါဘူး။ ဤသို့သောအဆိုပြုချက်ကို ယဉ်ကျေးသော၊
သမာသမတ်ရှိသောမည်သည့်လူမျိုး မည်သည့်ဘာသာဝင်ကမဆိုညွတ် ညွတ်နူးနူး ကြိုဆိုလက်ခံကြလိမ့်
မည်လို့ ကျနော်လေးလေးနက်နက် ယုံကြည်ပါတယ်။
သို့သော်လည်းကျနော်တို့နိုင်ငံတွင် တည်ရှိခဲ့ဖူးသောအခြေခံဥပဒေ ၂ ခု(၁၉၄၇/၂၀၀၈) ၊
ဖဆပလအစိုးရနှင့်(ဗိုလ်) ဦးသိန်း စိန်ကြံ့ဖွံ့အစိုးရတွေကတော့ ဘာသာရေးကိုခွဲခြားခဲ့ပြီး၊
ခုတုံးလုပ်အသုံးချခဲ့ပါတယ်။ခွဲခြားတဲ့သဘောထားနဲ့လုပ်ရပ်များကို တစ်ခုချင်း တင်ပြပါမယ်။
ပထမဦးစွာ၁၉၄၇ အခြေခံဥပဒေနှင့် ဖဆပလအစိုးရခေတ်ကာလကို ကြည့်ပါစို့။
ဖဆပလခေတ်တွင်ဒီမိုကရေစီကို အလွန်ရိုကျိုးကိုင်းရှိုင်းစွာယုံကြည်ပါသည်ဆိုသောဝန်ကြီးချုပ်ဦးနုနှင့် စစ်တပ်စိတ်ဓါတ်စစ် ဆင်ရေးဌာနသည် “ကွန်မြူနစ်ဆန့်ကျင်ရေး”နိုင်ငံရေးဦးတည်ချက်အတွက် ဗုဒ္ဓဘာသာကိုခုတုံးလုပ်အသုံးချခဲ့ကြပါတယ်။
“ဓမ္မန္တရာယ်” ဟူသောစကားသည် ထိုစဉ်က စစ်တပ်စိတ်ဓါတ်စစ်ဆင်ရေးဌာန၏ လက်သုံး
စကားဖြစ်ခဲ့ပါတယ်ဆင်းရဲသော လယ်သမားအများစုပြည်သူများကို အဲဒီ“မှိုင်း”တိုက်ခဲ့ကြပါတယ်။
ထို့အပြင်ဝန်ကြီးချုပ်ဦးနု၏ “ဗုဒ္ဓဘာသာကို နိုင်ငံတော်ဘာသာအဖြစ်ပြဌာန်းရေး” ဆိုသည့်ကိစ္စမှာအင်မတန်ထင်ရှားသော အကြီးစား ဘာသာရေးခုတုံးလုပ်မှုကြီးပင်ဖြစ်ပါတယ်။ဤလုပ်ရပ်သည်“၁၉၄၇အခြေခံဥပဒေ” ပုဒ်မ ၂၁ပုဒ်ခွဲ(၄) ကိုဝန်ကြီးချုပ်ကိုယ်တိုင်က အတိအလင်းချိုးဖောက်မှုလည်းဖြစ်ပါတယ်။တစ်ဖက်တွင်ဝန်ကြီးချုပ်ဦးနုသည် ဗလိနတ်စာကျွေးသော နတ်ကိုးကွယ်မှုနှင့် ယတြာချေမှုများကိုလည်း ယုံကြည်စွာလုပ်ဆောင်လေ့ရှိပါတယ်။
“၁၉၄၇အခြေခံဥပဒေ”ထဲက “ဘာသာသာသနာရေးဆိုင်ရာအခွင့်အရေးများ”ဆိုသည်ကိုလေ့လာကြပါဦးစို့။
ထိုအခြေခံဥပဒေ၏ပုဒ်မ ၂၁ ၊ ပုဒ်မခွဲ (၁) နဲ့ (၂) ကို မူရင်းအတိုင်းရေးသားဖေါ်ပြပါ့မယ်။
၂၁(၁) ဗုဒ္ဓဘာသာ သာသနာတော်သည် နိုင်ငံတော်၏နိုင်ငံသားအများဆုံးကိုးကွယ်ရာဖြစ်သော ဂုဏ်ထူးဝိသေသနှင့် ပြည့်စုံသည့်ဘာသာကြီးဖြစ်သည် ဟု ပြည်ထောင်စုနိုင်ငံတော်က အသိအမှတ်ပြုသည်။
(၂)နိုင်ငံတော်သည် အစ္စလာမ်ဘာသာ သာသနာ၊ ခရစ်ယာန်ဘာသာ သာသနာ၊ ဟိန္ဒူဘာသာသာသနာနှင့်
နတ်ကိုးကွယ်သောဘာသာတို့ကို ဤအခြေခံဥပဒေအာဏာတည်သောနေ့၌ နိုင်ငံတော်၌ရှိနေကြသော ကိုးကွယ်ရာဘာသာအချို့ဟူ၍အသိအမှတ် ပြုသည်။စာဖတ်သူများထင်ရှားမြင်သာအောင်စာလုံးမည်းဖြင့်ဖေါ်ပြထားသောစကားလုံးများကို ကြည့်ရုံဖြင့်ထိုစဉ်က ဖဆပလ အုပ် စိုးသူများ၏ ဘာသာကြီးဝါဒနှင့်ခွဲခြားမှုကို အလွယ်တကူမြင်တွေ့နိုင်ပါတယ်။
ဗုဒ္ဓဘာသာကို“ဂုဏ်ထူးဝိသောနှင့်ပြည့်စုံသော ဘာသာကြီးဖြစ်သည်”ဟု သီးခြားခွဲခြားရေးသား အသိအမှတ်ပြုပြီးကျန် ဘာသာသာသနာများကို နတ်ကိုးကွယ်မှုဖြင့်တတန်းတစားတည်းထားခဲ့သည်ကို အရှင်းသားတွေ့မြင်
ကြရသည်မဟုတ်ပါလား။
“၁၉၄၇အခြေခံဥပဒေ” ပုဒ်မ ၂၁ပုဒ်မခွဲ (၁)နှင့် (၂) သည် “၁၉၄၇ အခြေခံဥပဒေ” ပုဒ်မ၁၃ တွင်ပြဌာန်းထားသည့် အချက်များနှင့် ရှေ့နောက်မညီဘဲ။ ဆန့်ကျင်ကွဲလွဲနေပါတယ် ။ အခြေခံဥပဒေ၏ရှေ့နောက်မညီမှု
လည်းဖြစ်ပါတယ်။
ပုဒ်မ၁၃။ ဇာတိမရွေး၊ ကိုးကွယ်ရာဘာသာမရွေး၊ ယောက်ျားမိန်းမ မရွေး၊ လူမျိုးမရွေး၊နိုင်ငံသားဟူသမျှသည်၊နိုင်ငံတော် တရားဥပဒေအရာတွင် အညီအမျှသာဖြစ်သည်။ဆိုလိုရင်းမှာ နိုင်ငံသားတဦးနှင့်တဦးကိုသို့တည်းမဟုတ် နိုင်ငံသားလူတန်းစား တစားနှင့်တစားကိုတစ်ဖက်သတ်သဘောအတိုင်း ခွဲခြားခြင်းမပြုရ။
“တစ်ဖက်သတ်သဘောအတိုင်းခွဲခြားခြင်းမပြုရ”ဟု မည်သို့ပင်ဆိုထားသော်လည်း ပုဒ်မ ၂၁ (၁) တွင်“ဂုဏ်ထူးဝိသော နှင့် ပြည့်စုံသော ဘာသာကြီးဖြစ်သည်” နိုင်ငံတော်က ခွဲခြားအသိအမှတ်ပြုထားခဲ့သည်မဟုတ်ပါလား။
ဤသည်တို့မှာ၁၉၄၇ အခြေခံဥပဒေ၊ ဖဆပလအစိုးရ နှင့် ဝန်ကြီးချုပ်ဝန်ကြီးချုပ်ဦးနုတို့၏
ဘာသာရေးခွဲခြားမှု၊ခုတုံးလုပ် အသုံးချမှုများအနက်အချို့ဖြစ်ပါတယ်။
ယခုတဖန်၂၀၀၈ အခြေခံဥပဒေပါ ပြဌာန်းချက်များကိုလေ့လာကြည့်ကြပါဦးစို့။
“၂၀၀၈အခြေခံဥပဒေ” ပုဒ်မ ၃၆၁နှင့်ပုဒ်မ ၃၆၂ တို့ကို မူရင်းအတိုင်းရေးသားဖေါ်ပြလိုက်ပါတယ်။
ပုဒ်မ၃၆၁။ ဗုဒ္ဓဘာသာ သာသနာတော်သည် နိုင်ငံတော်၏ နိုင်ငံသားအများဆုံးကိုးကွယ်ရာ
ဖြစ်သောဂုဏ်ထူးဝိသေသ နှင့် ပြည့်စုံသည့် ဘာသာသာသနာဖြစ်သည်ဟု နိုင်ငံတော်ကအသိအမှတ်ပြုသည်။
ပုဒ်မ၃၆၂။ နိုင်ငံတော်သည်ခရစ်ယာန်ဘာသာ သာသနာ၊ အစ္စလာမ်ဘာသာ သာသနာ၊ဟိန္ဒူဘာသာ သာသနာနှင့်နတ် ကိုးကွယ်သောဘာသာတို့ကိုဤအခြေခံဥပဒေအာဏာတည်သောနေ့၌
နိုင်ငံတော်၌ရှိနေကြသော ကိုးကွယ်ရာ ဘာသာများဟူ၍ အသိအမှတ်ပြုသည်။
အထက်ပါပြဌာန်းထားချက်များသည် ပုဒ်မ ၃၄၈ နှင့် ရှေ့နောက်မညီဘဲ ဆန့်ကျင်ကွဲလွဲနေပါ
တယ်။
ပုဒ်မ၃၄၈။ နိုင်ငံတော်သည် ပြည်ထောင်စုမြန်မာနိုင်ငံတော်သမ္မတမြန်မာနိုင်ငံတော်၏
မည်သည့်နိုင်ငံသားကိုမျှလူမျိုး၊ ဇာတိ၊ ကိုးကွယ်ရာဘာသာ၊ ရာထူးဌာနန္တရ၊ အဆင့်အတန်း၊ယဉ်ကျေးမှု၊ အမျိုးသား၊ အမျိူးသမီး၊ဆင်းရဲချမ်းသာတို့ကိုအကြောင်းပြ၍ခွဲခြားမှုမရှိစေရ။
အထက်ပါအတိုင်းပြဌာန်းထားသော်လည်း ပုဒ်မ ၃၆၁နှင့် ပုဒ်မ ၃၆၂ တို့တွင် “နိုင်ငံတော်သည်”
ဗုဒ္ဓဘာသာကိုဖက်သို့ ဘက်လိုက်၍ “ဂုဏ်ထူးဝိသေသနှင့်ပြည့်စုံသည့်ဘာသာသာသနာဖြစ်သည်” ဟူသော
အကြောင်းပြချက်ဖြင့်ခွဲခြားထားသည်မဟုတ်ပါလား။
“၁၉၄၇အခြေခံဥပဒေ”နှင့် “၂၀၀၈ အခြေခံဥပဒေ”တို့တွင်ပါရှိသော ဘာသာသနာဆိုင်ရာ ပြဌာန်းချက်များကိုနှိုင်းယှဉ်ကြည့်လျှင် စာလုံးအချို့ဖြုတ်ပယ်/ နေရာ ရွေ့ပြောင်းခဲ့သည်မှအပ အုပ်စိုးသူများ၏ (ဂုဏ်ထူးဝိသေသနှင့်ပြည့်စုံသောဘာသာ သာသနာ ဟူ သော) “ဘာသာရေးရှော်ဗင်ဝါဒ”သဘောထားပြောင်းလဲခြင်းမရှိဘူးဆိုတာကို စာဖတ်သူပြည်သူများအလွယ်တကူမြင်နိုင်ပါတယ်။
သို့ဖြင့်(ဗိုလ်) ဦးသိန်းစိန်ကြံ့ဖွံ့အစိုးရ၏ ဘာသာရေးရှော်ဗင်ဝါဒသဘောထားနှင့် ဒေါက်တာဆရာတော်၏“အိမ်ရှင်ဘာသာ” သဘာထားသည် ဘာမျှခြားနားခြင်းမရှိတော့ပါ။ “ဆရာဒကာညီညွတ်မှု” ပင်မဟုတ်ပါလော။ဤအချက်ကပင် “ နိုင်ငံတော်သမ္မတ၏ ဂုဏ်ထူးဆောင်လက်မှတ်” ဆက်ကပ်မှုကို အချိန်ကိုက်ဖြစ်ပေါ်စေခဲ့
ပါတော့တယ်။
အထက်ပါအချက်အလက်များအပေါ်ကနေနိဂုံး ကောက်ချက်ချကြပါစို့။
(ဖဆပလ)အုပ်စိုးသူများနှင့် ကြံ့ဖွံအစိုးရတို့သည် ဘာသာသာသနာကို ခုံတုံးအသုံးချခဲ့ကြတယ်။
အသုံးနေချနေကြပါတယ်။
“၁၉၄၇အခြေခံဥပဒေ”နှင့် “၂၀၀၈ အခြေခံဥပဒေ” တို့တွင်ပြဌာန်းထားသည့် ဘာသာသနာဆိုင်ရာပြဌာန်းချက်များသည်ဘာသာသာသနာများကိုတစ်ခုနှင့်တစ်ခုခွဲခြားဖေါ်ပြထားပါတယ်။တန်းတူရည်တူသဘောမထားပါ။ထို့အပြင်အခြေခံဥပဒေပါပြဌာန်းချက်များသည်လည်း တစ်ခုနှင့်တစ်ခု ရှေ့နောက်မညီပါ။
ဒီမိုကရေစီသမားကြီးဝန်ကြီးချုပ်ဦးနုသည် ဘာသာရေးကို ခုတုံးလုပ်အသုံးချခဲ့တယ်။အခြေခံဥပဒေကိုချိုးဖောက်ခဲ့ပါတယ်။
စစ်ဗိုလ်လူထွက် သမ္မတ(ဗိုလ်) ဦးသိန်းစိန်သည်လည်း ဘာသာရေးကို ခုတုံးလုပ်အသုံးချနေ
ပါတယ်။ ဝန်ကြီးချုပ်ဦးနုနှင့် သမ္မတ (ဗိုလ်) ဦးသိန်းစိန် အကြားခြားနားသည့်အချက်မှာ
ဦးနုသည် ကိုလိုနီခေတ်ကျောင်းသားလှုပ်ရှားမှုက မွေးထုတ်ပေးခဲ့သော သခင်နိုင်ငံရေးသမား
တစ်ဦးနှင့် နိုင်ငံ့လွတ်လပ်ရေးသမိုင်းတွင်ထင်ရှားအရေးပါခဲ့သူတစ်ဦးဖြစ်ပြီး။
သမ္မတ(ဗိုလ်) ဦးသိန်းစိန်သည် စစ်အာဏာရှင်စနစ်ကမွေးထုတ်ပေးလိုက်သော စစ်ဗိုလ်ချုပ်ကြီးတစ်ဦးနှင့်
(နဝတနအဖ) စစ်အုပ်စုက နိုင်ငံရေးစင်တင်ပေးခဲ့သော ဇာတ်ကောင်တစ်ဦးမျှသာဖြစ်ပါတယ်။
သူတို့၂ ဦး၏ ဘုံတူညီချက်မှာ ဘာသာ သာသနာကို ခုတုံးလုပ်အသုံးချမှုပင်ဖြစ်ပါတယ်။
ညွန်း
- ပြည်ထောင်စုမြန်မာနိုင်ငံဖွဲ့စည်းအုပ်ချုပ်ပုံအခြေခံဥပဒေ
၁၉၅၇ ခု၊ ပြည်ထောင်စုမြန်မာနိုင်ငံပုံနှိပ်ရေးနှင့်စာရေးကိရိယာဌာန၊ရန်ကုန်မြို့
- ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေ(၂၀၀၈ခုနှစ်) ၂
၂၀၀၈ ခုနှစ်၊ စက်တင်ဘာလ၊ပြန်ကြားရေးဝန်ကြီးဌာန၊ ပုံနှိပ်ရေးနှင့်စာအုပ်ထုတ်ဝေရေးလုပ်ငန်း
- မြန်မာသမိုင်းပုံ၊ဒေါက်တာသန်းထွန်း
၂၀၀၄ခုနှစ်၊ ဇူလိုင်လ၊ ပထမအကြိမ်၊ မုံရွေးစာအုပ်တိုက်
တူမောင်ညို
