ဒါ ဂန္ဓီကြီးနဲ့ ဆားတွင်းတွေဆီ ချီတက်သွားတာဖြစ်နိုင်သလိုဒါ မေရီအင်တွိုင်းနက်ရဲ့နန်းတော်ကြီးရှေ့ ပေါင်မုန့်တန်းစီနေတာလည်းဖြစ်နိုင်တယ်။
အခုရွတ်နေတာ
ဗားတော့ဘရက်ရဲ့ကဗျာ(သို့မဟုတ်)
မကျွတ်မလွတ်သေးတဲ့အမှုတွဲတွေရဲ့ညည်းညူးသံတွေလား။
အခုရွတ်နေတာ အခုရွဲ့နေတာ အခုစောင်းနေတာ အခုရောနေတာ အခုရောင်နေတာ အသစ်လုပ်ထားတဲ့ခန်းမကြီးထဲက အသစ်ပြန်သထားတဲ့ဟေးလားဝါးလားကြယ်တွေရဲ့သမ်းဝေမှုအရာမရောက်ကိန်းဂဏန်းတွေလား။
ကဗျာဖတ်ရတာပျင်းလာရင် ကမ္ဘာတစ်ပတ်လမ်းလျှောက်ကြည့်ပါလား ဗဟုသုတလည်းရရင်း ကိုယ့်ပေါင်ကိုယ်လှန်ထောင်း အရှက်အိုးလေးများလည်းကွဲရင်း။
အချင်းချင်းလွဲနေတယ် အထီးနဲ့အမလွဲနေတယ် ဘယ်နဲ့ညာလွဲနေတယ် အဆိုးဆုံးက ပုခုံး ၂ ဖက်ပေါ်ပေါက်နေတဲ့ဦးခေါင်းကြီးတွေ ရှေ့နဲ့နောက်လွဲနေတာပဲ။
ရမ်းပြီးချီမတက်လာနဲ့လေကွာ ကျည်ကာအင်္ကျီလို အနည်းဆုံးစာအုပ် ၃ ၄အုပ်လောက်တော့ဖတ်လာမှပေါ့။
ငါတို့ဘက်က အသက်တော့ပေးလိုက်ရတာတာ့ဟုတ်ပါပြီ မင်းတို့ဘက်ကဘာပြန်ရမှာလဲ။
ညံ့လိုက်တဲ့ဒီခရီးက ခလုတ်တိုက်မိတိုင်းသွေးမထွက်ပဲ ရွှေချည်းထွက်နေမယ်ဆို ဒီစကား ငါဘယ်ပြောနေပါ့မလဲ။
မီးများလို့မီးနိုင်နေမှတော့ ကန္တာရပေါ်ဖိတ်ကျသွားတဲ့ရေတစ်စက်လိုဘယ်လိုလုပ်မီးဟုန်းဟုန်းတောက်နိုင်တော့မှာလည်း အရိုင်းကို အရိုင်းနဲ့တုန့်ပြန် ရိုင်းလာကြတယ် ငါတို့ရိုင်းတယ်တဲ့။
ဘယ်လောက်လည်းဆို သင်္ခန်းစာလေးပြီးလို့ ကျောင်းအကြောင်းအိပ်မက်လေးပြန်မက်ရင်တောင် အတန်းရှေ့ထွက် ဇီးစေ့ပေါ်ဒူးထောက်အပြစ်ပေးခံရတဲ့အိပ်မက်တွေချည်း အိပ်မက်ကလန့်နိုးတော့လည်း မြေမြုပ်မိုင်းတွေပေါ်ခြေအစုံနင်းမိရက်သား။
ဘယ်လောက်လည်းဆို ဦးခေါင်းကိုအုတ်ခဲစာမိလို့ ပွင့်ထွက်လာတဲ့ကြယ်တွေထဲမှာတောင် ငါတို့ဟာ ကျေနပ်လို့ ကြည်နူးလို့ မျောပါလို့။
ဒီလောက် လိင်ကျွန်လို ယောက်ျားဘယ်လိုရိုက်ရိုက်သစ်တုံးလိုငုံ့ခံနေတဲ့မိန်းမတွေလို သူများဘာပြောပြောရယ်နေတတ်တဲ့နလပိန်းတုံးတွေလို ရောင့်ရဲတယ်ယဉ်ကျေးတယ်ခန္ဓီပါရမီတရားနဲ့ပြီးပြည့်စုံတယ်ဆိုတဲ့ မီးရိုးဖလာကျောပြင်ကြီးတွေပါတဲ့နှစ်ချို့ဝိုင်ပုလင်းကြီးတွေရထားပါရဲ့နဲ့ မင်းတို့မို့ ကုဋေ ၈၀ သူဌေးသားလို့ သုံးဖြုန်းပစ်ခဲ့တယ် ညံ့ပ။
အေးလေ အရိုးလောက်မှ အရာမရောက်ခဲ့တဲ့ ခွေးတစ်ကောင်လို ပစ်ထားခဲ့တာကို အေးလေ သစ်ရွက်တစ်ရွက်လောက်မှအစိမ်းမထား အစိမ်းစားခဲ့ကြတာကို အေးလေ လက်ညှိုထိုးရာသေရာရွေ့စေနဲ့လက်ညှိုးကွေးရာသွေးပင်လယ်ကြီးဟီးနေခဲ့တာကို။
ဘယ်လောက်သဘောကောင်းလည်းဆို သေငယ်ဇောနဲ့မျောနေရင်တောင် ငါတို့မှာ ငါတို့နိုင်ငံတော်ကို မှာစရာတွေအပြည့်နဲ့။ ။
ဘယ်လောက်လည်းဆို
သမိုင်းဝင်သစ်ပင်ကြီးအောက်မှာ
ရှိသမျှအရိပ်တွေသိပ်ထည့်ပြီး တစ်ယောက်တည်းထိုင် သေနတ်စာမိသွားလို့ကြေကျနေတဲ့ လရဲ့ဈာပနကိုကြည့်ပြီး ခုထိ သူ့ခင်ဗျာ ရုပ်သေးရုပ်ကလေးတွေကို ဟိုဒီရွေ့ကာလှုပ်ရမ်းဆော့ကစားလို့ကောင်းနေတုန်း။ ။
ခရမ်းပြာထက်လူ ( ၂ ၀ ၁ ၃ )
Reposted by www.newmoekaungkin.blogspot.com
