ဗိုလ်ချုပ် အထက် မြန်မာပြည်သို့ တရားဟောထွက်ရာတွင် ဘုရားဝတ္တက မြေအတွင်းနှင့် ဘုန်းတော်ကြီး ကျောင်းတိုက်များ အတွင်း၌ စီစဉ်ထားသော တရားဟောပွဲကြီးများကျင်းပသည့် အခါတိုင်းမှာလိုပင် သာသာနာတော်မြတ်ကြီး ကောင်းမွန်အောင် ဆောင်ရွက်ရန် ဗိုလ်ချုပ် သတိရ၏။ အထက် မြန်မာပြည်သို့ ခရီးထွက်စဉ် ပျဉ်းမနား ဘုန်းတော်ကြီးကျောင်းတိုက်၌ ကျင်းပသော တရားပွဲကြီးမှ အပြန်တွင်
“ဦးပုကလေးရဲ့ ၊ ကျုပ်တို့ သာသနာတော် ကောင်းမွန်ရေး အတွက် ဆောင်ရွက်စရာ တွေ အများကြီး ရှိသေးတယ်။ ဒါပေမယ့် မြန်မာပြည် လွတ်လပ်ရေး ရပြီးမှ
ကျကျနန လုပ်နိုင်မှာပဲ” ဟု ကျွန်ုပ်အား ပြောပြ၏။
ထိုအခါ ကျွန်ုပ်က “ရဟန်းတော်များ နိုင်ငံရေး ဝင်ရောက် ဆောင်ရွက်ကြရာ ဗိုလ်ချုပ် ဘယ်လို သဘောရပါသလဲ” ဟု မေးလိုက်သော အခါ “ရဟန်းတော် များနှင့် နိုင်ငံရေး စပ်ယှက်တာ မကောင်းပါဘူးဗျာ။ ရဟန်းဟာ ရဟန်း အလုပ်၊ လူဟာ လူအလုပ်လုပ်တာ ကောင်းပါတယ်။
စာမသင်၊ ပေမသင် နဲ့ အကျင့်စာရိက္တပျက်ပြီး ထင်သလိုနေတာမျိုးတွေကို သန့်ရှင်းအောင် လုပ်တာတွေလဲ အများကြီးရှိတယ်” စသဖြင့် ဗိုလ်ချုပ်က ပြန်ပြော၏။
ထိုသို့ သဘောထားသည့် အတိုင်းလည်း ၁၉၄၇ ခု၊ ဖေဖော်ဝါရီလ ( ၂၃ ) ရက်နေ့က
ရန်ကုန်မြို့၊ မြို့တော်ခန်းမကြီး၌ ကျင်းပသော ပထမပြန် စာမေးပွဲအောင်ပုဂ္ဂိုလ်များအား
လှူဒါန်းသော ဘွဲ့နှင်းသဘင် အခမ်းအနားကြီး၌ ဗိုလ်ချုပ်သည် ဆရာတော် ဘုရားကြီးများအား
ဤသို့လျှောက်ထားခဲ့၏။
“ဆရာတော် ဘုရားများအား လျှေက်ထားလိုတဲ့ အကြောင်း တစ်ခုကတော့ ခေတ်ကြီးဟာ ပြောင်းလဲလျက် ရှိပါတယ်။ တစ်ခေတ် ပြောင်းလာတဲ့ အခါတိုင်း သာသနာတော် တိုးတက်မှုကိုလဲ ခေတ်အလျောက် ပြုပြင်ဆောင်ရွက်ဖို့ လိုပါတယ်။ ခေတ်ပြောင်းနေတာနဲ့ ပတ်သက်ပြီးတော့ ဗုဒ္ဓဘာသာ တရားတော်နဲ့ပဲ ကြည့်ကြည့်၊ လောကဓာတ် နည်းနဲ့ပဲ ကြည့်ကြည့်၊ ရာဇဝင်ကြောင်းနဲ့ပဲ ကြည့်ကြည့် ခေတ်အလိုက် နည်းစနစ် ပြောင်းလုပ်မှ ကြီးပွားနိုင်ပါတယ်။ ခေတ်ကို နားလည်ဖို့လဲ အရေးကြီးပါတယ်။ ခေတ်သဘော နားမလည်ဘဲ အရမ်းမဲ့ အလုပ်လုပ်လို့လဲ မဖြစ်နိုင်ပါဘူး။ သမ္ပတ္တိတရား လေးပါး လဲ ရှိပါတယ်။ ဒါကြောင့် သာသနာတော် ကြီးပွားရေး ကိစ္စ၊ ရှေးလွန်လေပြီးသော နည်းဟောင်းများကို ပြုပြင်ပြောင်းလဲပြီး နည်းသစ် နည်းကောင်းများတွင် လုပ်ဖို့
အရေးကြီးပါတယ်။
“စာပေ ကျမ်းဂန် ကျွမ်းကျင် တတ်မြောက်တော် မူကြသော ဆရာတော်များက အများ နားလည် နိုင်အောင် ခေတ်နှင့် လျော်တဲ့ နည်းမျိုးနဲ့ စီမံ ရေးသားတော် မူသင့်ကြပါတယ်။ စာသင်သားတို့အား သင်နည်း ပို့ချနည်း များကိုလည်း ခေတ်အလိုက် ပြုပြင် ပြောင်းလဲ သင့်ပါတယ်။ “သဒ္ဒါကိုးခေါက် စာပျိုးပြောက်” ဆိုတဲ့ စကား ရှိသော်လည်း ယခုတော့ ကိုးခေါက်မက အခေါက်ပေါင်း ဘယ်လောက် များများ စာသင်သားများ အထူးပင်ပန်းခြင်း နှင့်သာ ရင်ဆိုင်နေကြ ရပါတယ်။
ယခု စာသင်နည်းမှာ စစ်အတွင်းက စစ်သားတွေကို အတင်းအကျပ် စစ်ပညာ သင်ကြားပေးတာနဲ့ တူနေပါတယ်။
“အင်္ဂလိပ်က ပထမပြန်စာမေးပွဲ လုပ်ခဲ့တာဟာ ဗုဒ္ဓဘာသာ သာသနာတော်ကို ကြည်ညိုလို့ မဟုတ်ပါဘူး။ အုပ်ချုပ်တဲ့ နေရာမှာ ပရိယာယ် တစ်မျိုး အသုံးပြု ထားတာ ဖြစ်ပါတယ်။ လွန်ခဲ့တဲ့ နှစ်ပေါင်း (၃၀) ကျော်လောက်က ဥရောပ တိုက်မှာ ဘာသာရေး စစ်ပွဲကြီးများ ဖြစ်ခဲ့ဖူးပါတယ်။ ဒီအခါတုန်းက မင်းဖြစ်သူက ယူတဲ့ အယူဝါဒကို တိုင်းသူ ပြည်သားများ လိုက်နာ ကြရတယ်။
မယူဘဲ မနေရအောင် အတင်းအကျပ် ယူခိုင်းတာကို အကြောင်း ပြုပြီး စတော့ – ဘာသာရေး စစ်ပွဲကြီးများ ဖြစ်ခဲ့ရပါတယ်။ ဒီလို ဖြစ်ရတာကို မကောင်းဘူးလို့ နားလည် လာကြပြီး
နောက်ဆုံးတော့ ဘာသာကို လွတ်လပ်စွာ ကိုးကွယ် နိုင်ဖို့ စီမံ လာကြရပါတယ်။
“ဝိတိုရိယ ဘုရင်မကြီး လက်ထက် ၊ အိန္ဒိယ နိုင်ငံမှာ ဘာသာရေး နဲ့ ပတ်သက်ပြီး သူပုန်ကြီး ထခဲ့ဖူးတယ်။ ဘာသာ ဝါဒ အစွဲသန်မှန်းကို သိရှိကြတဲ့ အတွက် အင်္ဂလိပ် လက်အောက်ခံ နိုင်ငံများမှာ ဘာသာကို လွတ်လပ်စွာ ကိုးကွယ် နိုင်တဲ့ စည်းကမ်း လုပ်ခဲ့ရပါတယ်။ မြန်မာပြည်ကို အင်္ဂလိပ် ရောက်လာပြန်တော့လဲ ဗုဒ္ဓဘာသာ တွေ နှစ်သိမ့် စေရန် ရည်ရွယ်ချက်နဲ့ ရှေးမြန်မာ ဘုရင်များ လုပ်ခဲ့တဲ့ ပထမပြန် စာမေးပွဲကို ဆက်လက် လုပ်နေတာပါပဲ။ ဒါပေမယ့် လုပ်ရိုး လုပ်စဉ် အနေလောက်သာ လုပ်နေကြတာ ဖြစ်ပါတယ်။ တကယ် ထိထိရောက်ရောက်တော့ မဟုတ်ဘူး။
ဒါဟာ ဘာကြောင့်လဲ ဆိုရင် တိုင်းပြည်ဟာ လွတ်လပ်တဲ့ တိုင်းပြည် မဟုတ်သေးလို့ လို့ ဆိုရမှာပဲ။ ကျွန်လူမျိုး ကျွန်ဘာသာ ဖြစ်နေသရွေ့ ကာလပတ်လုံး ထိထိ ရောက်ရောက် ကြီးပွားနိုင်မှာ မဟုတ်ပါဘူး။
“နောက်တစ်ခု တပည့်တော် ရှင်းရှင်း လျောက်ထားချင်တာကတော့
ဘုန်းကြီးလုပ်လျှင် ဘုန်းကြီးနဲ့ တူအောင် လုပ်စေချင်ပါတယ်။ လူလုပ်လျှင်လဲ လူနဲ့တူအောင် လုပ်စေချင်ပါတယ်။ ဟိုတစ်ပိုင်း ဒီတစ်ပိုင်း အလုပ်မျိုးကိုတော့ မလုပ်စေချင်ဘူး။
ဒီလို တစ်ပိုင်းစီ လုပ်နေတာမျိုးကိုတော့ တပည့်တော် မကြိုက်ဘူး။
“နောက်တစ်ခု တပည့်တော် လျှောက်ထားချင်တာကတော့ ဘုန်းတော်ကြီးများနှင့် နိုင်ငံရေး မစပ်ယှက်စေချင်ပါဘူး။ သာသနာတော် နှင့် မဆန့်ကျင်ဘဲ တိုင်းပြည် အကျိုး ရှိတာမျိုးလောက်သာ ဆောင်ရွက်တော်မူစေချင်ပါတယ်။
ဥပမာ တောင်တန်းနယ် သာသနာပြုရေး ကိစ္စမျိုးမှာတောင်တန်းနယ်များမှာလဲ သာသနာတော် ပြန့်ပွား ပြီးမြန်မာများနဲ့ တောင်တန်းနယ်သားတွေအဖို့ ချစ်ခင်ရင်းနှီးမှုမျိုး တိုးတက် ဖြစ်ထွန်းစေနိုင်
ပါတယ်။”
(ဦးပုကလေး၏ “ငါတို့ ဗိုလ်ချုပ် ဘာလုပ်ခဲ့သလဲ” စာအုပ်မှ)
mmw.rasu_18.01.2014
